Gjinastiche: ancjemò aur par Tara Dragaš

Un altri sucès su la sene mondiâl par Tara Dragaš, la atlete de ASU – Associazion Sportive Udinês. Inte Arene di Portimão in Portugal, la atlete blancje e nere e à vût un fin de setemane straordenari intal prin turni de World Challenge Cup di Gjinastiche Ritmiche, vincint dôs medaiis di aur intes finâls di specialitât e confermant la sô posizion tant che protagoniste a nivel internazionâl. Chescj risultâts a confermin no dome il talent di Tara, ma ancje la cualitât dal disvilup tecnic metût dongje vie pai agns de sezion di gjinastiche ritmiche de ASU. Pe societât, “cheste e je la plui grande ricompense par dut il lavôr di ogni dì dai alenadôrs e dal personâl.” La gjinastiche ritmiche internazionâl e tornarà cui Campionâts Europeans di Varna, il prossim grant event de stagjon. (A.I.) – 18.05.2026