ASU, gjinastiche di A1 cuntune foreste in plui

Une storie che e dure di passe dîs agns, ducj su la spice gjinastiche ritmiche taliane. La ASU, Associazion Sportive Udinese si prepare a tornâ in cjamp tal campionât di gjinastiche ritmiche di A1, che al scomence cu la prime gare ai 17 di Otubar a Terni. Špela Dragaš, la diretore tecniche de Academie ASU, e sarà une altre volte ae vuide de formazion dal campionât plui impuartant, sostignude di Valeriya Pysmenna e de coreografe Laura Miotti. La scuadre a disposizion e je une vore competitive, cu la conferme di Tara Dragaš e Isabelle Tavano, cussì come lis gnovis Gaia Zurlo, Adele Asquini e Giulia Facinoli. E soredut, une zuiadore foreste di nivel une vore alt rivade in clâf: Sofia Ilteriakova, che e jere cun dute la scuadre blancje e nere ae presentazion ospitade tal Pala360, la cjase de ASU. (A.I.) – 10.09.2026