57
La associazion culturâl AUDiMuS, di tredis agns impegnade te divulgazion de musiche sinfoniche e di cjamare sul teritori, e fasarà un conciert speciâl dentri di une cjase di polse, la struture di Sereni Orizzonti a Pasian di Prât. Meti dongje la culture e l’aspiet sociâl no je une novitât pe orchestre dal diretôr Francesco Gioia, che al à puartât la musiche dal vîf za plui voltis dentri dal ospedâl di Udin. In cheste ocasion, in colaborazion cul comun di Pasian di Prât, sabide ai 24 di dopomisdì a saran sunadis musichis di Mozart, compagnadis di cualchi leture dedicade al artist. (A.I.) – 22.05.2025
