Uniche serade in Friûl-Vignesie Julie par “Un letto per due” (Un jet par doi), une comedie di Tato Russo, une des figuris plui origjinâls e indurants dal teatri talian contemporani, che dai agns Setante dal Nûfcent al à spicât tant che autôr, regjist, atôr, poete, musicist. Direte di Livio Galassi e programade par joibe ai 26 tal Teatri “Odeon” di Tisane, “Un letto per due” al conte in mût ironic lis vitis instreçadis di une cubie che e va indenant par passe 35 agns, contadis intai lôr aspiets plui intims e di ogni dì. Sul palc di sene, Riccardo Polizzy Carbonelli e Marina Lorenzi, une cubie ancje inte lôr vite vere, a recitin la part di om e femine che a son daûr a frontâ une relazion che e podarès jessi rivade ae sô fin, intal mieç di dificoltâts, delusions e contradizions. (A.I.) – 25.02.2026
Foto di T. Le Pera
