Une comedie ironiche cuintri i prejudizis

Anna Valle e Gianmarco Saurino a son i protagoniscj di “Scandalo” (Scandul), la comedie scrite e direte di Ivan Cotroneo, in cartelon par dome une singule date tal circuit dal ERT regjonâl, domenie ai 18 tal Teatri “Italia” di Pontebe. E je une comedie gjeniâl e garbe sui prejudizis e sui rûi di gjenar, su ce che al è permetût ai oms e invezit refudât aes feminis. E su la maniere che l’amôr, il ses e la art a deventin fonde di judizi e prejudizi, metint in dubi in mût ironic e penç ce che al è vietât te nestre societât e la ipocrisie doprade par judicâ i desideris des feminis. (A.I.) – 17.01.2026

Foto di M. Giusto