Une comedie classiche par rifleti su la fragjilitât

Une comedie classiche di Eduardo De Filippo e rive tal circuit dal ERT dal F-Vj dome par une serade. Martars ai 10, l’auditorium “Aldo Moro” a Cordenons al ospitarà “Ditegli sempre di sì”, diret di Domenico Pinelli cun Mario Autore, Anne Iodice e il stes Pinelli. Scrite tal 1927, la comedie si concentre suntun dai temis plui potents de tradizion teatrâl: la matetât, doprade tant che un potent motôr comic, ma ancje un strument par cjalâ il compuartament uman cun ironie e luciditât. La gnove version e je stade creade tal 2024 par onorâ Eduardo tal cuarantesim aniversari de sô muart, lant di là de dimension de farse par fâ saltâ fûr une riflession ator fragjilitât e lis incoerencis de societât. (A.I.) – 09.03.2026

Foto di G. Cher