Une comedie che e invide a rifleti

La prime vision regjonâl di “Cena con sorpresa” (Cene cuntune sorprese) e je za prenotade a plen par vinars ai 23 tal Gnûf Teatri comunâl di Gardiscje. Cheste comedie ironiche che e invide a rifleti, scrite dai cuatri autôrs Augusto Fornari, Toni Fornari, Andrea Maia e Vincenzo Sinopoli, e met in evidence lis cuistions di vuê e nus invide a pensâ cemût mai il cjâf dai benpensants al rive a reagjî cuant che al cjate i gnûfs disvilups e lis situazions che a cambiin lis nestris vitis e i nestri pinsîrs. Massime cuant che une situazion nus tocje in mût personâl e e stravie la nestre vite. (A.I.) – 22.01.2026