Un conciert par Pape Francesco

La associazion La Art de Musiche di Çopule e fâs un omaç a Pape Francesco cun doi concierts che a son events dedicât ae encicliche “Fratelli tutti” (Fradis ducj). Il document, cul so lengaç universâl di pâs, inclusion e fradilance, al è il fîl dal discors di cheste opare corâl che e celebre la ereditât spirituâl di Bergoglio. I apontaments in program a son ai 26 di Avrîl tal Domo di Cjaurlis e ai 17 di Mai dal teatri “Zancanaro” di Sacîl. La opare corâl e seniche e tire dentri 65 artiscj, ducj musiciscj e coriscj che a fasaran 15 tocs gnûfs, cuntune leture musicâl dai temis al centri dal document: inclusion, pâs, justizie, spiritualitât condividude. La opare, vuidade dal diretôr artistic Nicola Milan, e dopre la “contemporary Christian music” e il gospel cun artiscj di grant nivel. (A.I.) – 25.04.2025