Trê gjenerazions contadis sul palc

Une none, une mari, trê fiis: trê gjenerazions diviersis devant dal amôr e de muart, dal lavôr e dai afiets, dal dolôr e dai siums. Intune peraule, sot cun la vite. E je une famee dute al feminin che e podarès plasê cetant a Pedro Almodóvar, chê che e conte “Estate a Dicembre”, une liende dolcemare, in sene al Teatri Gnûf “Giovanni da Udine” pe rassegne “Tempi unici,” martars ai 7 aes 6 e aes 9 di sere. Scrit de autore madrilene Carolina África Martín Pajares, tra lis vôs plui interessantis dal panorame spagnûl, e diret dal regjist furlan Andrea Collavino, nassût intal 1969, il spetacul al viôt tant che protagonistis cinc atoris pirotecnichis che a rapresentin gjenerazions diviersis dentri de stesse famee. (A.I.) – 06.02.2023