Sul palc lis contis dal confin intal dopovuere

Une conte in moviment, energjiche, vivarose, ironiche e evocative: e je “Amateur Smugglers”, firmât di Silvia Gribaudi, une coreografe des mil provocazions, e Andrea Rampazzo, presentade tal Teatri Comunâl di Cormons vinars ai 14, fûr di abonament. Un spetacul di no pierdi, cu la compagnie En–Knap Grup, cu la produzion ancje di ArtistiAssociati, che al puarte di là dai confins dal ‘cuart mûr’ une storie comovente di apartignince e di desideri di comunitât, creade dopo un studi atent e la racuelte di testemoneancis di chei che a àn vivût il confin jenfri Italie e Jugoslavie intal dopovuere. Il spetacul al fâs part dal program uficiâl di GO!2025. (A.I.) – 13.02.2025