“Prime” in regjon pal documentari di Giovanni Storti in mont

Daspò dal sucès li dal festival di cine di Trent e dopo di vê tacât a zirâ dute la Italie cun proiezions che a son ancje events, al rive a Pordenon in anteprime regjonâl il documentari “Tra natura e quota: Giovanni Storti sopravvive alle Alpi Apuane” (Jenfri nature e cuote: Giovanni Storti al sorevîf aes Alps Apuanis), scrit e diret di Giorgia Lorenzato e Manuel Zarpellon. Il cine che si viodarà joibe ai 5 di Jugn tal CinemaZero, in colaborazion cu la sezion dal CAI di Pordenon, al è un viaç ae scuvierte des Alps Apuanis compagnâts di un atôr cetant preseât e cognossidôr de mont, Giovanni Storti. (A.I.) – 05.06.2025