Il principi nol è stât cence dificoltâts, daspò dal mancjât finanziament di bande de Regjon e i problemis tecnics al teatri Palamostre. Po dopo a son stâts varis stops, pe fieste dal Prin di Mai e pe adunade dai alpins. Il program de cincuantesime seconde edizion dal Palio teatrale studentesco “Città di Udine”, la manifestazion inmaneade al Palamostre dal Teatro Club Udin, al è dongje de sô fase conclusive, in calendari miercus ai 24 di Mai. Pal grant finâl, une novitât: un piçul estrat di cinc minûts dai spetacui di ducj i grups partecipants, ma in version di ridi, di parodie. “Dopo dut chel che al è sucedût – al è il coment di Alessandra Pergolese, la presidente dal Teatro Club, – o podìn dî che il calôr dal Palio si è sintût dut, sedi intal entusiasim di fantats e fantatis, sedi intal afiet dal public. (A.I.) – 22.05.2023
Foto di Benedetta Folena
