Pal dì dal Ricuart, un spetacul di “Feminis di confin”

Anteprime de vincjesime prime edizion de rassegne storiche di teatri al feminin “La sene des feminis”, direte di Bruna Braidotti e inmaneade de Compagnie di Arti&Mestieri, cuntun spetacul realizât in colaborazion cul Comun di Cordenons e in ocasion de Zornade dal Ricuart, che e memoree i maçalizis des foibis e l’esodi julian-dalmate. Domenie ai 9 tal Teatri “Aldo Moro” a Cordenons, une prime cerce de rassegne che e tache ae fin di Març cul spetacul di teatri musicâl “Feminis di confin” di e cun Bruna Braidotti, acompagnât di tocs di musiche classiche fats dal cuartet di flautistis Ensemble Euterpe dai Amîs de Musiche di Udin diret di Luisa Sello. (A.I.) – 08.02.2025