Un spetacul mai sucedût prime al rive te Basiliche di Aquilee vinars ai 14: Riccardo Muti al direzarà la orchestre dai zovins “Luigi Cherubini” di Ravenna, ufrint une esperience musicâl di no podê dismenteâ, che e incrosarà la storie cu lis melodiis sinfonichis intun grant conciert pe pâs. Par chest event intun lûc simbolic plen di storie e di significâts, patrimoni de Unesco dal 1998, Muti al à sielt un repertori sinfonic che al va di Mozart a Schubert, al compositôr talian Alfredo Catalani, intun omaç ai leams de Italie cu la Austrie. I musiciscj de orchestre che lui al à fat nassi a son ducj zovins dai 18 ai 30 agns e ancjetant zovin al è il public che i organizadôrs si spietin: 180 puescj dentri de basiliche a saran risiervâts par lôr, altris 900 a son a disposizion fûr de glesie. (A.I.) – 12.06.2024
Foto di T. Rosenberg
