“Mittelyoung” si conferme al centri de gnove creativitât europeane: la seste edizion dal progjet dal “Mittelfest” di Cividât, nassût tal 2021 par promovi e supuartâ i talents zovins, e à viodût un bum des domandis, cun 238 propuestis di spetacul che a rivin di 28 paîs diferents: 84 par spetacui di prose, 78 di balet, 57 di musiche e il rest di circ. La convocazion internazionâl e jere vierte a artiscj e grups nome sot dai 30 agns, che cumò a ricognossin il “Mittelyoung”, in sene dai 14 ai 17 di Mai a Cividât, tant che pont di partence pai riva ai miôr palcs di sene internazionâi. Di chês domandis rivadis, 110 a vignivin dal forest e di cuasi ducj i paîs ametûts al procès di selezion, cun cualchidune di plui lontan. “Ancje chest an – al comente il diretôr artistic Giacomo Pedini – Mittelyoung si conferme un spazi par sperimentâ e conftontâsi. In sîs agns nus son rivadis mil propuestis di spetacul di dute Europe!”. (A.I.) – 13.02.2026
Foto di L. d’Agostino
