Manfredi: dal pari a fi

Une comedie scrite di Nino Manfredi e Nino Marino, interpretade dal stes atôr adun cun Pamela Villoresi intal 1988, e torne tai teatris intune gnove produzion direte di so fi Luca Manfredi, che al cjape dentri e al infuartìs la ereditât cuntun spetacul che al cjate l’ecuilibri jenfri il ritmi comic e la intimitât. I protagoniscj di “Gente di facile costumi”, ospit dal circuit ERT par vot seradis di martars ai 24 di Març e fint al prin di Avrîl, a son Flavio Insinna, cognossût no dome pal teatri e pal cine, ma soredut pe television, e Giulia Fiume, preseade dal public pes sôs interpretazions rûi tes seriis televisivis. Il spetacul al tache dal Teatri “Benois di Cecco” di Codroip, daspò al va indevant tal “Candoni” a Tumieç, tal “Pasolini” a Cjasarse, tal “Zancanaro” a Sacîl, tal “Verdi” di Manià, tal “Modena” a Palme e i ultins doi dîs tal Teatri “Bonezzi” di Monfalcon. (A.I.) – 24.03.2026