Lo Cascio al spieghe parcè che lei al è impuartant

La associazion LeggerMente e il circuit dal Ert a presentin une sere speciâl dentri de propueste sedi de vincjesime stagjon di “LeggerMente”, sedi de rassegne “In Scena!” dal cartelon teatrâl di S. Denêl. Miercus ai 10 di Avrîl, tal Auditorium des Scuelis Mediis, Luigi Lo Cascio al sarà protagonist di “Storielle per granchi e scorpioni”, titul gjavât fûr dal libri di contis scrit dal stes atôr e jessût fûr propit un an indaûr. Lo Cascio al jere stât ospit di “LeggerMente” tal 2008 par contâ il so mût di lei, la impuartance de leture inte sô vite professionâl, ma ancje in chê personâl. (A.I.) – 08.04.2024