Lis dôs musis di Arlechin par “Maravee”

Il Festival “Maravee Circus” al rive al Kulturni Center “Bratuz” di Gurize cul spetacul “Tormento e Rocambolo”, di e cun Claudia Contin Arlecchino. Un spetacul bipolâr, là che la stesse atore e interprete ducj i doi i personaçs: un incuiet e tormentât dandy che al incjarne la figure dal artist Egon Schiele, e un Arlechin paiaç che si confronte cu la contemporaneitât traviers la lizerece de ironie che no rive mai insom. Al è un percors di riflession traviers lis mascaris e i archetips dal teatri, de art figurative, de culture performative, des avanvuardiis. (A.I.) – 28.06.2023