La scuele si siere intune sale cinematografiche

Cu la fin de scuele, a son daûr a sierâsi ancje lis ativitâts dal progjet “La lezione delle immagini: visionari al cinema” (La lezion des imagjinis: visionaris al cine), par cure dal CAV – Centri pes Arts Visivis. Joibe ai 5 di Jugn, il Visionario di Udin al darà acet aes 4 di dopomisdì ae tape finâl dal percors, ven a stâi la proiezion dai curtmetraçs fats dai students te suaze dai laboratoris didatics. In detai, si viodarà il curt “La pantera e il serpente” fat dai fruts de scuele primarie “A. Negri”, une selezion dai curts dal Digital Storytelling Lab de Universitât dal Friûl e chei dai students dal “Marinelli”, “Copernico” e “Stellini” di Udin e dal “Magrini Marchetti” di Glemone. (A.I.) – 05.06.2025