La ‘rivoluzion’ des feminis a Pordenon cuntune muse de Tv

Joibe ai 2 di Novembar a Pordenon e rive par “La Scena delle donne – The Women Theatre Revolution”, rassegne inmaneade de Compagnia di Arti&Mestieri cu la direzion artistiche di Bruna Braidotti, une protagoniste de stand-up comedy taliane preseade di centenârs di miârs di follower su lis rêts social. Laura Formenti, che e je rivade al grant public intal 2021 cul monolic “Se fossi un uomo…” a Italia’s Got Talent, e à lavorât in programs pe television tant che “Colorado” e “Domenica 5”, e presentarà al teatri Capitol “Tranquilli, poi vi spiego”, un spetacul che al fevele di veretât e di bausiis. (A.I.) – 31.10.2023