Il tour regjonâl di “Ti ho sposo per allegria”, la comedie di Natalie Ginzburg, direte di Emilio Russo cun protagoniscj Giampiero Ingrassia, Marianella Bargilli, Lucia Vasini, Claudia Donadoni e Viola Lucio, al va indevant. Dopo lis rapresentazions a Tumieç, Talmassons e Triest, la comedie e sarà presentade in altris trê teatris dal circuit dal ERT intai dîs che a vegnin: Martars ai 17 tal Teatri “Miotto” di Spilimberc, miercus ai 18 tal “Ristori” di Cividât e joibe ai 19 tal “Odeon” di Tisane. Scrit ator de metât dai agns Sessante dal Nûfcent, e je la prime des undis comediis di Natalia Ginzburg e i argoments a son si stes che si cjatin in dute la sô opare, doprant dialics cuotidians e situazions che a somein scletis, ma che a palesin tensions fondis doprant il lengaç di ogni dì. (A.I.) – 16.03.2026
Foto di L. Pozzo
