IIl Teatri “Verdi” di Pordenon al celebre dîs agns di concierts “in residence” de Gustav Mahler Jugendorchester, fondade tal1986 di Claudio Abbado, ricognossude la plui prestigjose orchestre di zovins dal mont, cuntun nivel artistic straordenari, otignût ancje midiant lis audizions che ogni an si davuelzin in 25 citâts europeanis par 2500 candidâts. La residence a Pordenon de Gmjo – fate simpri cu la poie de Regjon, di PromoTurismo FVG e dal Comune – e puartarà in citât un centenâr di musiciscj zovins sot dai 26 agns in dôs fasis: une vie pe Vierte, dai 7 ai 18 di Jugn, par preparâ il “Spring Tour” de Orchestre, e une in Istât, dai 7 ai 18 di Avost, pal “Summer Tour”. Par passe trente dîs, la Gmjo e fasarà lis provis al “Verdi”, coordenade dal diretôr assistent, il zovin Christian Blex. In chei dîs, la orchestre e sunarà ator pe regjon cun cualchi protagonist di presi de musiche internazionâl: ai 13 di Jugn tal Domo di Vençon cu la direzion di Christoph Eschenbach, ai 14 di Avost a Voleson cu la vuide di Christian Blex e ai 2 e ai 2 di Setembar a Pordenon. (A.I.) – 24.04.2025
Foto di L. Valenta
