La femine che e cjamine cu lis pioris

Une serade che e je un event pai 150 agns de Saf, la Societât alpine furlane, vinars al Prin di Març tal Auditorium “Venier” di Pasian di Prât. Il titul al è “Omaggio alle donne pastore” (Omaç aes feminis pastoris), e al centri de cunvigne e je propit une conte origjinâl di cui che al mene lis pioris. La ospite e sarà propit une pastore, Caterina De Boni, autore dal libri “A passo di pecora” e une des protagonistis dal cine “In questo mondo” di Anna Kauber, che al sarà fat viodi in prime vision. Il documentari al conte doi agns e 17 mil chilometris fats par cjatâ cent feminis dai 20 ai 102 agns che a menin ator lis pioris. Il cine al sarà presentât de antropolighe Valentina De Marchi. (A.I.) – 29.02.2024