Jazz sofisticât tal teatri “Pasolini” di Çarvignan

La stagjon di musiche al teatri “Pasolini” a Çarvignan, curade de associazion Euritmica di Udin, e tache l'an gnûf cuntun event di jazz sofisticât, rafinât e di prime classe. Vinars ai 9, al va in sene il gnûf progjet dal ghitarist Jan Sturiale, un musicist che al à za fat un viaç musicâl di grande rilevance in Italie, tai Stâts Unîts e in Europe in graciis di une borse di studi prestigjose tal Berklee College di Musiche a Boston. A Çarvignanal puarte lis sôs composizions dal album “In the Life”, sostignût dal so cuartet, cun musiciscj furlans cetant preseâts, che a son soliscj di innomine nazionâl e internazionâl: Francesco De Luisa, Alessandro Turchet e Luca Colussi. (A.I.) - 08.01.2026