161
La Universitât di Udin, in colaborazion cul archivi storic Luce di Cinecittà, e à restaurât une piere miliâr dai cine documentaris che a contin il colonialisim in Afriche de Italie tai agns dal Fassisim. L’Ateneu furlan al à recuperât e tornât a meti a gnûf il cine dal 1929 “La Spedizione Franchetti nella Dancalia etiopica”, mut e in blanc e neri, viodût dome in chel an. Il lavôr al è stât fat dai laboratoris “La Camera Ottica”, “Digital Storytelling Lab” e “Media Lab” de Universitât di Udin e al va indevant di cetancj agns. Cualchi toc al sarà proietât a Bologne joibe ai 26 te suaze de rassegne “Il cinema ritrovato” (Il cine cjatât fûr). (A.I.) – 25.06.2025
