“La buona novella” (La buine gnove), une rileture teatrâl origjinâl dal disc dal 1970 di Fabrizio De André, e sarà ospitade di cinc teatris dal Friûl-Vignesie Julie. Il spetacul, scrit e diret di Giorgio Galione e interpretât di Neri Marcorè, al scomence la sô tournée regjonâl martars al prin di Avrîl tal Teatri gnûf “Giovanni da Udine”, pe rassegne di prose “Timps Unics”, par dopo movisi intal circuit dal ERT: miercus ai 2 e joibe ai 3 tal Teatri Comunâl “Marlena Bonezzi” di Monfalcon, vinars ai 4 tal “Zancanaro” di Sacîl, sabide ai 5 a Cordenons e domenie ai 6 a Palme. Cheste “sacre Rapresentazion contemporanie” e instrece lis cjançons di De André cun tocs naratîfs gjavâts fûr dai Vanzelis apocrifs che a vevin ispirât il cjantautôr. Il spetacul, definît cuasi une “opare di cjamare”, al ricjape la struture dal album di De André, cuntune dramaturgjie recitade in buine part di Neri Marcorè. (A.I.) – 31.03.2025
Foto Le Pera
