Gualazzi a Prate cul tercet e la orchestre

Tal teatri “Pileo” di Prate vinars ai 3 al rive un dai moments plui spietâts dal “Altolivenzafestival” 2025, che al à il titul di “Passaggi”, passaçs: il conciert di Raphael Gualazzi compagnât de orchestre de Academie Musicâl Naonis direte di Stefano Nanni. Un event che al met dongje la dimension intime dal cjantautôr e pianist e une orchestrâl plui largje, creant un puint jenfri classic e contemporani, cuntune struture di tercet jazz plui la orchestre. Il spetacul al à un viaç tes composizions plui significativis de cariere di Gualazzi dal 2005 a vuê, ancje cui tocs mancul innomenâts, che no rivin dispès sul palc. No dome un conciert ma, daûr des peraulis dal artist, “une esperience” là che messedin cjançon, pop, jazz e ancje musiche classiche. (A.I.) – 02.10.2025