Il Teatri gnûf “Giovanni da Udine” al è stât sielt pal debut de gnove tournée tai teatris dal spetacul di Marco Goldin, il critic di art che di agns al puarte ator i siei progjets dedicâts ai plui grancj artiscj de storie, metint dongje test, musiche e videos. La gnove produzion dedicade a Claude Monet a 100 de sô muart, “Monet. Una vita a colori” (Une vite a colôrs), e viodarà l’espert di art compagnât di Remo Anzovino, il compositôr e pianist pordenonês che di ancjetant timp al lavore sedi cun Goldin, sedi par meti in musiche – ancje pal cine – lis vitis e lis storiis dai grancj protagonist de art mondiâl. Cun lôr sul palc dal Teatri gnûf “Giovanni da Udine” martars ai 20, Daniela Savoldi ae vôs e al violoncel. Daspò di Udin, il spetacul al sarà tes plui grandis citats talianis e vie pal tour a saran presentâts ancje il libri di Goldin cu la storie dal artist contat sul palc e il disc di Anzovino. (A.I.) – 20.10.2026
Foto di F. Consolini
