Gnovis lezions di musiche tal Teatron

Jentrâ tal cûr des grandis oparis mestris de musiche classiche e, daspò di chel ,scoltâlis in direte, cuntune partecipazion plui ative, intun percors fat di viaçs, scambis di ideis e creazion artistiche: al è chest l’obietîf di “Nota Bene”, lezions di musiche e storie che a son une novitât pal Teatri gnûf “Giovanni da Udine”. Domenie ai 25 il program al scomence aes 11 di buinore cul prin event, “Il coraggio e la speranza” (Il cûr e la sperance), dedicât al Conciert pal piano numar 1 di Piotr Ilic Tchaikovsky. Il lavôr dal compositôr rus al sarà analizât di Paolo Cascio, il diretôr artistic de musiche pal Teatron. A sunâ, la orchestre dai zovins Filarmonici Friulani irete di Moisés Pirela, cun Giuseppe Albanese al piano. (A.I.) – 24.01.2026