A Gardiscje, dai 25 di Lui e fint ai 3 di Avost, al torne il festival “ Onde Mediterranee”, che al met dongje musiche, leterature e informazion tal segn de atualitât cuntune schirie di conciert e incuintris. E il leam simpri fuart cu la famee Regeni, stant che la zornade dai 26 di Lui e sarà dute dedicade propit a Giulio Regeni. Inmaneât di Euritmica, la rassegne e propon cualchi non dai mancul convenzionâi de musiche taliane, te Arene dal Cjistiel: i Offlaga Disco Pax ai 31 di Lui, La Rappresentante di Lista al prin di Avost, cun Meg che e celebre i trente agns di cariere, po dopo Andrea Pennacchi cu la Revenge Tanko Band, pal gnûf “Pojana Rock!” e lis selezions di Massimo Coppola cun Roberta Sammarelli. Pe sezion “Letaris Mediteraniis”, si fevelarà di dirits locâi e di dut il Mont cun Fabiana Martini, Moni Ovadia, Gianfranco Schiavone e cetancj altris. (A.I.) – 14.06.2025
Foto di S. Biavati
