Festival dai documentaris: ve chi lis anteprimis

da Andrea Ioime

Dîs cines par dîs apontaments di no podê pierdi a “Aspettando Pordenone Docs Fest”. Al torne ogni joibe di sere, dai 25 di Zenâr ai 28 di Març, il program di anteprimis dal festival dal documentari di Cinemazero, ae sô decime setime edizion, dai 10 ai 14 di Avrîl. Si tache cuntun cine dut al feminin, tra i fums di une saune intal Sud de Estonie: “Smoked Sauna Sisterhood”, votât miôr documentari european dal an, in program joibe ai 25 in presince de regjiste Anna Hints. Il documentari, che al rive a Pordenon dopo la anteprime nazionâl al “Trieste Film Festival”, al è un imni ae fuarce interiôr dute al feminin des protagonistis. (A.I.) – 23.01.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui