Fadiesis: dôs sunadoris zovinis al Festival de armoniche

Il “Fadiesis Accordion Festival”, rassegne de armoniche inmaneade de associazion Fadiesis, al va indevant martars ai 20 aes 5 di dopomisdì cul program di concierts in dute la regjon. L’event si davuelzarà tal Centri de ANFFAS “Giulio Locatelli” a Pordenon: il conciert “Trê secui di armonie”, une cumbinazion de armoniche di Ludovica Borsatti e dal violoncel di Elisa Fassetta. Dutis e dôs a àn scomençât a studiâ cuant che a jerin une vore zovinis, a àn vinçût plui di cualchi concors di musiche – par esempli, il Premi Speciâl “Claudio Scimone” pal miôr interprete di musiche di cjamare di une opare baroche, ma ancje borsis di studi – e a son daûr a puartâ atôr une ativitât di concierts une vore penze, sedi di bessolis che in version “di cjamare”, preseadis de bande de critiche e dal public. (A.I.) – 19.10.2026