Bruna Braidotti e la sô compagnie a Napoli par fâ sù une rêt

La “Compagnia di Arti e Mestieri” di Pordenon e va indevant cu la promozion di azions par sostignî lis feminis e soredut lis professionistis dal teatri. Daspò di ve fondât tal 2021 la Rêt nazionâl pe paritât di gjenar tes arts performativis, adun cun associazions di teatri di dute la Italie diretis di feminis, la compagnie direte di Bruna Braidotti – di passe vincj agns diretore dal festival “La scena delle donne”, la sene des feminis, in Friûl-Vignesie Julie, e je cumò a Napoli. Fint a miercus ai 4 e ven fate une assemblee nazionâl – te glesie di San Severo al Pendino – che e sarà une svolte pe ativitât d rêt. Te ocasion de nassite de associazion culturâl Illumina, al sarà mandât fûr il progjet culturâl “Il mondo salvato dalle ragazzine” (Il mont salvât des frutis), dedicât ae scritore Elsa Morante e ideât di Bruna Braidotti. (A.I.) – 03.06.2025