Bon complean al nestri Elvis!

Doi agns indaûr, tal dì dai siei otante agns, al è fat une fiestone a teatri, cui amîs e la famee – chê vere e chê dal mont de musiche furlane – sunant dute la sere intun “Palamostre” di Udin plen fin dulà che… no si podeve! Cheste volte i agns a son “dome” 82, ma Beppe Lentini al mangjarà la torte di complean sunant: li dal “Loft23” di Udin, vinars ai 18. Cun lui il grup “di famee” dai Great Balls of Fire, i fîs Federico e Stefano Lentini cun Lorenzo Coscia e Andrea Burelli, che di agnorums al compagne il prin rocker di cjase nestre, nassût tal 1953 e passât traviers modis e taramots musicâi cence mai cambiâ e cence mai rinunziâ al so prin, grant amôr: il rock & roll. Ven a stâi, la musiche che al à tacât a scoltâ di frutat, cuant che al veve ancjemò i bregons curts e il mont al cambiave al ritmi dai prins tocs di Elvis Presley, Chuck Berry, Bill Haley, Jerry Lee Lewis, Little Richard…, propit setante agns indaûr. (A.I.) – 17.04.2025