“Art tal Ort” al devente itinerant e al tache a Udin

Al torne, cuntune gnove formule, “Art tal Ort”: la rassegne estive di spetacui comics al viert, metûts in sene di artiscj di nivel internazionâl, in lûcs dal Friûl-Vignesie Julie cuntun alt valôr artistic, storic o paisagjistic. Rivât ae decime cuarte edizion, il festival al è un dai avigniments estîfs più preseâts in regjon. Intal 2023, dai 28 di Jugn ai 27 di Lui, la caravane di “Art tal Ort” e fasarà tape in nûf comuns de Regjon, deventant cussì itinerante, cui spetacui comics di cinc compagniis par un totâl di 14 avigniments. Il prin al è programât par miercus ai 28 al Giangio Garden di Udin, al parc Brun di viâl Vat, dulà che al larà in sene “Catine Sciò”, un monolic comic di e cun Caterina Tomasulo. (A.I.) – 26.06.2023