Arearea, doi spetacui te stesse serade

da Andrea Ioime

“Innesti”, la rassegne di “conessions” teatrâls ideade dal Centri di Produzion Teatrâl ArtistiAssociati pe Sale Bergamas di Gardiscje, e ospite dai 17 ai 19 di Novembar il gnûf progjet de compagnie di danze contemporanie Arearea, che al previôt la presentazion di dôs oparis te stesse serade, Il prin, “Dove il giallo si sfoglia”, al è di di Irene Ferrara, cun Angelica Margherita. La seconde part de serade e presentarà une coreografie di Valentina Saggin, danzade di Marta Bevilacqua e cui costums di Marianne Fernetich. Cheste e je la seconde di une schirie di trê oparis inspiradis al mont feminin che Ulisse al cjate vie pal so viaç de “Odissee”. (A.I.) – 16.11.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui