Storiis contadis di cui che al fâs la cjarte

da Andrea Ioime

La cjartere di Davâr contade di cui che al lavore culì. E je une gnove part di un progjet culturâl cu la poie de regjon dedicât ae ”fabriche de cjarte” plui innomenade de mont cjargnele. Il percors di ricercje e di valorizazion dal rûl culturâl, sociâl e economic de industrie dal Cjanâl di Guart curât di Marta Tasso al va indevant, daspò dal centri dal Istât passât, cuntune campagne di intervistis cui ex lavoradôrs par cure de antropolighe Valentina De Marchi. Une schirie di testemoneancis de bande di cui che al cognòs ben l’argoment par produsi, tal ultin ,une conte coletive de fabriche, che no je dome il lûc di lavôr, ma ancje une part de storie e dal avignì di dute la comunitât cjargnele. Ai 27 e ai 28 di Novembar si davuelzarà il laboratori “Archivis di cjartere”, fat de graphic designer Cecilia Cappelli doprant fotografiis, documents e altris testemoneancis. I risultâts a saran presentâts intun archivi di comunitât inovatîf che al conte Davâr e il Cjanâl: “Davâr/storie tracce materia-DSTM”. (A.I.) – 17.11.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui