Si siere miercus ai 4 tal teatri de sô citât il tour dal pianist e compositôr pordenonês Remo Anzovino, che al è tacât a puartâ il so ultin album “Atelier” ator pe Italie dai 15 di Març. La ultime tape tal teatri “Verdi”, cuasi dute plene (a son restât dome che pôcs biliets), e siere lis celebrazions pai vincj agns de cariere dal pianist. Daspò de publicazion tal 2023 dal so prin disc di bessôl al piano, “Don’t forget to fly”, par setemanis l’album di musiche strumentâl plui vendût in Italie, puartât ator par sessante datis. L’Istât passât Remo al à regjistrât un disc dal vîf, dut di bessôl, tal studi dal artist Giorgio Celiberti a Udin. L’album jessût chest an al à i stes tocs che a vegnin puartats ator pai teatris: il miôr di vincj agns di cariere, gjavât fûr dai albums in studi, des musichis pal cine di art e des colaborazion. (A.I.) – 03.06.2025
Foto di P. Grasso
