Ancjemò Zardini cu la orchestre che e sune jazz

Si siere in musiche la stagjon teatrâl di Sacîl, promovude dal Comun e dal circuit dal ERT. Joibe ai 10 tal Teatri “Zancanaro” al rive il conciert “Zardini Sinfonic”, proponût la prime volte intai teatris dal ERT inte stagjon passade, in ocasion dal centenari de muart dal compositôr ponteban. Il conciert, che al à protagoniscj Glauco Venier al piano, la vôs di Alba Nacinovich e lis musichis de FVG Orchestra direte di Valter Sivilotti, al cjape dentri il catalic di Arturo Zardini – tantis oparis a son ladis pierdudis, ma plui di trente cjants furlans a son rivâts fin a nô – rielaborât in clâf jazz dal stes diretôr di orchestre. (A.I.) – 09.04.2025

Foto Tassotto & Max