E je nassude a Forlì, ma e je a stâ dongje di Udin, a Tresesin. Si clame Carla Bissi, ma e je cognossude di ducj cul non di art Alice: une des vôs plui carismatichis, autorevulis e amadis di dute la musiche taliane. Martars ai 16 inte “sô” Udin, sul plaçâl dal Cjistiel, si tignarà la uniche date in Friûl-Vignesie Julie – inmaneade di Fvg Music Live e VignaPR – di “Master Songs”, il gnûf conciert là che e cjantarà cualchi toc dai plui impuartants de sô produzion musicâl, simpri di plui orientade ae ricercje di contignûts esistenziâi, culturâi, spirituâi, poetics. Di là des sôs composizions, Alice e risierve une atenzion particolâr ae cjançon di autôr, cun tocs di Battiato, De André, De Gregori, Fossati…, ma ancje aes poesiis di Pasolini, Cappello e Maria Di Gleria Sivilotti. (A.I.) – 15.07.2024
Foto di S. Di Luca
