Al torne ‘Festil’ e al fevele ancjemò di confins

Miercus ai 27 a tornin a tacâ in regjon lis ativitâts de otave edizion di “Festil”, il Festival estîf dal Litorâl diret di Tommaso Tuzzoli e Federico Bellini. La sezion autunâl ‘Extra Festil’ e torne a partî di dulà che il festival di teatri, musiche e incuintris si jere fermât: cu la tournée dal gnûf spetacul dal scritôr e studiôs Angelo Floramo. Adun cul tercet musicâl Fior delle Bolge, Floramo al puarte sul palc “A piedi nudi sul bordo del mondo – suoni e voci lungo la frontiera”, a Gardiscje in Sale Bergamas: un test teatrâl che al fronte il teme de frontiere e dal confin cuntune sucession di cuadris intercambiabii. (A.I.) – 26.09.2023