La femine che e vuidave il Suv che si è dât cuintri de Opel vuidade di Carmen Benvenuti, muarte par vie dal scuintri, e je stade notade tal regjistri dai indagâts par omicidi stradâl.
Residente a S. Quarin, la siore di 53 agns e veve fat un frontâl tal dopomisdì di lunis intant che e jere ae vuide di un Mercedes Gle cu la Opel Corsa vuidade de Benvenuti che e je muarte inte buinore da dì dopo tal repart di terapie intensive dal ospedâl di Udin, indulà che e jere stade puartade par vie des sôs cundizions une vore griviis.
La procure di Pordenon e à decidût di afidâ une consulence tecniche buine di tornâ a fâ sù la dinamiche dal incident. Il public ministeri titulâr tal fassicul al valutarà se disponi la autopsie dal cuarp di Carmen Benvenuti se la ispezion esterne no ves di jessi avonde par sclarî lis causis de sô muart. (a.d.g.) – 17.12.2025
