Incident mortâl a Trasaghis dilunc de autostrade

Un om todesc di 84 agns al è muart vuê tal prin dopomisdì dilunc de A23 ae altece di Trasaghis. Par causis ancjemò di sclarî la vitime che e vuidave une machine piçule bande Tarvis al à tamponât une vore fuart la machine denant.

Il bot al è stât trement tant che l’om, che al jere di bessôl, al è muart par vie des feridis une vore grivis patidis. No si pues escludi che il vieli al sedi stât cjapat di un mâl. Sul puest a son rivâts daurman Polizie stradâl, Vigjii dal fûc, il personâl sanitari dal 118 e chel di Autostrade per l’Italia. (a.d.g.) – 11.06.2025