Fantate si fâs mâl rodolant jù dilunc dal torint Bût

Moments di pôre vuê a buinore par une fantate a Tumieç. La zovine e je lade jù suntun troi ert dilunc dal torint Bût. L’incident al è sucedût tor des siet e mieze di buinore. La zovine, che si jere fate une vore mâl e si cjatave distirade tal torint cun tantis feridis, e à rivât a clamâ daurman socors parcè che e je restade simpri cussiente.

I pompîrs rivâts daurman a àn rivât, adun cul personâl dal Saf (Soccorso spelo alpino fluviale) a tirâle sù no cence fadiâ une vore. Daspò des primisi curis la fantate e je stade puartade in svol cul elicotar intal Pront Socors dal ospedâl di Tumieç. Sul puest ancje i carabinîrs de stazion di Tumieç. (a.d.g.) – 08.04.2024