Cuant che si dîs vê un sant in paradîs. Un om di 31 agns al à vuidât cjoc in bale in cuintri man dilunc de autostrade che di Sistiane e puarte bande Rabuiese. L’alarme al è stât dât tor des cuatri di gnot di sabide ai 7 di Jugn, cuant che cualchidun al à visât che e jere une machine che e stave lant in cuintri man dilunc de Nsa 326, bande Rabuiese.
Une patulie de Polizie stradâl è je intervignude daurman cjatant la machine ferme su la corise, ma al contrari. Dentri i agjents a àn cjatât un om di 31 agns poiât sul volant cence capî nuie. L’etilometri al à confermât che l’om al veve un tas di alcul di 2,64 grams par litri, une concentrazion pardabon alte, par a cinc voltis il limit, tant che a un ciert pont si jere fermât su la corsie di sorpàs e al veve pierdût il sintiment.
Ritirade daurman la patente e machine sot secuestri. Par di plui al om e je stade fate une multe pesantone par vê vuidât in cuintri man. (a.d.g.) – 25.06.2025
