Cjatât un cuarp a Monfalcon

Al è stât cjatât un cuarp vuê di matine a Monfalcon te zone industriâl dal Lisert, dentri di un capanon bandonât. Il cadavar al è chel di un om talian di plui o mancul 50 agns, resident inte provincie di Gurize. Secont i prins controi dal miedi legâl, la muart e sarès di une vore di dîs indaûr.

Lis investigazions fatis de Polizie cul jutori de Sientifiche e dal comissariât locâl, pal moment, a tain fûr la responsabilitât di altris personis. Si pense che l’om al sedi muart par cause de colade di une altece di cinc metris, ma al è di sclarî parcè che al fos dentri dal capanon bandonât di timp.

Cumò si cîr di fâ su cun precision la dinamiche dal fat e la identitât dal om. (a.d.g.) – 22.05.2025