Une dote de Regjon pes fameis

Il governadôr dal Friûl Vignesie Julie, Massimiliano Fedriga, intune cul assessôr al Lavôr, formazion, istruzion, ricercje, universitât e famee, Alessia Rosolen, a àn presentât lis politichis regjonâls dedicadis ae famee. Dilunc de conference stampe, Rosolen e à ilustrât lis carateristichis de “Dote famiglia”. “Si trate – e à ricuardât l’assessôr – di une misure struturâl, che su chê o vin invistît 24 milions di euros, nassude par promovi la armonizazion dai timps di vite e di lavôr des fameis e par sostignî i gjenitôrs inte educazion dai fîs”. A puedin fâ domande i nuclis cun fîs minôrs a caric, titulârs di Carta famiglia, cun Isee pâr o plui bas di 30 mil euros e residence in Friûl Vignesie Julie di 24 mês. Par domandâ il contribût al baste colegâsi al sît e presentâ la domande in linie, prime dal 31 di Dicembar dal 2022. (A.D.G.) – 12.07.2022