Cumò al è uficiâl: lis dôs caladis libaris buinis pe Cope Europe masculine, previodudis in origjin a Tarvis, su la piste Di Prampar, a saran recuperadis a Nevee joibe ai 12 e vinars ai 13 di Zenâr.
Il via libare al è rivât cheste matine dai tecnics de Federazion Internazionâl che, dopo vê controlât lis cundizions dal tabâr neveât di dut il percors di gare, a àn promovût a plens vôts la piste de Mont Cjanine.
Cheste promozion e ripaie a plen il sfuarç enormi fat dai organizadôrs dal US Caporosso che, dopo la bolade dal “snow control” de Di Prampare sucedude ai 31 di Dicembar, in pôcs dîs si son ativâts daurman par cjatâ une buine alternative pûr di mantignî lis garis di Cope Europe in Friûl Vignesie Julie. (A.D.G.) – 4.01.2023