33
Il Consei di aministrazion de Danieli & C Spa al à aprovât il belanç anuâl e chel consolidât dal Grup dai prin di Lui dal 2024 al 30 di Jugn di chest an.
L’an si siere cuntun util net di 220,1 milions di euros, in câl dal 9% a pet dal an prime e cuntun margjin operatîf pâr a 437,8 milions di euros.
Intun marcjât une vore dificil, i rigjâfs pal setôr de produzion di açâl a son stâts plui bas a pet dal an prime, ancje se a son stâts in linie cun ce che al jere previodût, ma e je lade miôr tal setôr de produzion di implants a pet des previsions cuntun margjin sporc di 437,8 milions di euros. (a.d.g.) – 16.10.2025
