243
La Bancje europeane pai invistiments (Bei) e à concedût un prestit di 350 milions di euros a Danieli, leader mondiâl inte produzion di implants siderurgjics cun sede in Italie. Il prestit bancjari de Ue al contribuirà a promovi la economie circolâr traviers la produzion di açâl riciclât intai implants di Acciaierie Bertoli Safau a Cjargnà, e di Abs Sisak in Cravuazie.
E je la cuinte operazion siglade di Bei e Danieli intai ultins 25 agns, par un totâl di 580 milions di euros.
Il finanziament de Bei al judarà il Grup Danieli a rivâ ae neutralitât climatiche dentri dal 2050, contribuint al disvilup di tecnologjiis inovativis pe produzion di açâl cun fors eletrics a arc (EAF) e minimill. (A.D.G.) – 19.12.2022
